WikiLeaks-ի հիմնադիր Ջուլիան Էսենջին փնտրում է Ինտերպոլը

WikiLeaks-ի կողմից 251,287 ամերիկյան դիպլոմատիկ փաստաթղթերի հրապարակումից հետո, երբ ինֆորմացիան հասանելի էր դարձել այնպիսի խոշոր ԶԼՄ-ների, ինչպեսիք են Նյու Յորք Թայմսն ու Շպիգելը, Ինտերպոլը հիմնադիր Ջուլիան Էսսենջին տեղադրել է իր փնտրվող հանցագործների ցուցակում «սեռական հանցանքների» համար, ըստ շվեդական իրավապահ մարմինների ներկայացրած օրդերի:

Թեև սա ձերբակալության միջազգային օրդեր չի, այն կարող է էքստրադիցիայի պատճառ հանդիսանալ, քանի որ որակում է անձին որպես օրենքից թաքնվող:

Էսենջը ժխտել է մեղադրանքներն ու դեռևս լռություն է պահպանում: @wikileaks թվիթթերը նույնպես լռում է: Այնպես որ, զգուշացեք, ազատամիտներ. «Big brother watches you»:

Աղբյուր:

iTunes 10.1 + Last.fm

Մի քանի օր առաջ թողարկվեց iTunes-ի նոր (10.1) տարբերակը, որը պարունակում էր բազմաթիվ կարևոր բագֆիքսներ: Ինչևէ, Windows-ի համար նախատեսված տարբերակից օգտվողները, այդ թվում՝ նաև ես, ունեցան բավականին լուրջ խնդիր. տարբերակը չէր աշխատում Last.fm-ի հետ: Խնդիրը, պարզվեց, փլագինի անհամատեղելիությունն էր, Last.fm-ն այն արդեն ուղղել է: Թեև փլագինի վերջին (3.0.4) տարբերակը դեռ ավտոմատ չի թարմացվում, այն կարող եք քաշել այստեղից: Լուծումը փորձարկված է ու գործում է: Բարի ունկնդրություն:

Ռոդմեն Ֆիլբրիք. «Գրելու Խորհուրդներ Ռոդից»

(վերցված է հեղինակի «Freak the Mighty» վիպակի հավելվածից)

«Երևակայությունը մկան է: Ինչքան շատ այն օգտագործես, այնքան կուժեղանա»:

Ռոդմեն Ֆիլբրիքը սկսել է գրել, երբ դեռ վեցերորդ դասարանում էր սովորում: Սկզբում նա իր պատմվածքները գաղտնի էր պահում, քանի որ գրելը նրան «դեմք» կամ «նորմալ» չէր թվում, բայց երբ դարձավ տասնվեց տարեկան, որոշեց մի քանի հրատարակիչների ուղարկել իր առաջին վիպակը: Վիպակը մի տղայի մասին էր, ով թաքուն հիացմունքով էր նայում իր ամենամոտիկ ընկեկերոջը՝ հանճարի, ով վերջում ողբերգականորեն մահանում է: Չնայած վիպակը մերժեցին, Ռոդը չհանձնվեց: Երբ նա քսանութ տարեկան էր, նրա գրական կարիերան առաջ շարժվեց հասուն ընթերցողի համար նախատեսված վիպակի տպագրության շնորհիվ:

Այստեղ Ռոդն իր խորհուրդներով է կիսվում բոլոր տարիքների գրողների հետ:

Mozilla Seabird. կոնցեպտուալ բջջային հեռախոս Open Web-ի համար

Առանց մեկնաբանությունների: Ափսոս, որ չի նախատեսվում մասսայական արտադրության մեջ մտցնել:

Վիրուսային ահազանգ. համակարգչային վիրուսը լցնում է կոշտ սկավառակը

Այսօր ինձ խնդրեցին օգնել մի վիրուսի հարցում, որը շատ արագ լցնում է համակարգչի կոշտ սկավառակը: Համակարգիչները դիտելու հնարավորություն դեռ չեմ ունեցել, բայց ինտերնետով փնտրելը հաստատեց, որ շատ մարդիկ են ունենում նույն խնդիրը: Ավելի ուշադրություն զննումը ցույց տվեց, որ բողոքողներից ոմանք ունեին այլ, ոչ վիրուսային խնդիրներ:

Ինձ դիմողի մոտ հավանաբար իսկապես վիրուս է, քանի որ այն միաժամանակ արտահայտվել է նույն ցանցի բոլոր համակարգիչների վրա, գործում է նույն կերպ ու ժամանակի ընթացքում:

Եթե ունեք նույն խնդիրը, կամ գիտեք լուծումը, կխնդրեի կապվել իմ հետ կամ գրել այստեղ:

Հնարավորինս շուտ կտեղադրեմ լուծումներ, թարմացումներ իրավիճակի շուրջ: Քննարկում ֆորումում՝ այստեղ:

iTunes App Store. գրանցում առանց կրեդիտ-քարտի

Ինձ թվում է՝ ես միակը չեմ, ով զարմացած է, թե ինչու է Apple-ի iTunes Store-ը գրանցման համար կրեդիտ-քարտ պահանջում:

Իրականում iTunes Store-ի որոշ անվճար ծառայություններ գրանցում չեն պահանջում. օրինակ՝ անվճար փոդքեսթները: Բայց, օրինակ, iPhone/iPod Touch/iPad ծրագրերը, նույնիսկ անվճար, կարող եք բեռնել միայն գրանցումից հետո:

Խնդրի լուծումը հուշում է հենց Apple-ը՝ հետևյալ հոդվածում:

Իհարկե, նրանց ուսուցողական նյութի թողարկումից հետո համակարգի մեջ որոշ փոփոխություններ են տեղի ունեցել, որոնց ես կանդրադառնամ հոդվածի փոխադրության ընթացքում: Կանդրադառնամ միայն համակարգչի վրա առանց կրեդիտ-քարտի iTunes Store-ում գրանցվելուն:

Wine from Tears

Նոր խումբ եմ հայտնաբերել: Օ, պաթոսն ու կլիշեն կաթում են խմբի, ալբոմի ու նամանավանդ երգերի անվանումներից: Պատրաստվեք. Wine from Tears: Իհարկե, բավական է դրան ավելացնել բավականաչափ լավ կոնցեպցիա, որ կապ չի ունենա անվան հետ կապված ստերեոտիպների հետ: Բայց, դատելով ամեն ինչից, խումբը որոշել է առաջ շարժվել հայկական Sworn-ի սկզբունքով՝ նրանց համար բավական էր, որ բառերը գեղեցիկ էին նայվում ու ախորժաբեր ոգեշնչող տեսք ունեին խմբի անդամների համար:

Լավ, կլիշեն կլիշե, բայց կարելի էր գոնե պոետիկ կամ գոնե բարեհունչ տեսք տալ խմբի վերնագրին:

Ինչպես ապաարգելափակել XBox 360-ի կոշտ սկավառակը

Եթե հիշում եք, անցած տարվա նոյեմբերին Microsoft-ը սկսեց XBox Live! ծառայությունից արգելափակել մոդավորված (փոփոխված) խաղային կցորդները: Արգելափակումը տեղի էր ունենում ծառայությանը կպնելու պահին: Ու, ինչն ավելի, քան անարդար է, արգելափակումն օգտագործողին զրկում էր կցորդի կոշտ սկավառակից օգտվելու հնարավորությունից՝ թույլ չէր տալիս տեղադրել խաղեր, պահել տեսահոլովակներ, երաժշտություն: Ինչևէ, արգելափակվում էր հենց կցորդը, խաղացողը կարող էր իր XBox Live!-ի գրանցումն օգտագործել նոր, չմոդավորված  XBox 360-ի վրա:

Ըստ որոշ տվյալների, արգելափակման զոհ դարձան մինչև մեկ միլլիոն խաղացողներ:

Որոնցից մեկն էր ընկերներիցս մեկը: Երեկ նա ինձ խնդրեց ապաարգելափակել իր XBox 360-ի կոշտ սկավառակը, ինչը ես հաջողությամբ արեցի, ու որոշեցի այստեղ էլ գրել՝ միգուցե ձեզ էլ պետք գա:

Նոր Twitter

Դիմավորեք. Թվիթթերը նորանում է՝ ավելացնելով մի շարք նոր հնարավորություններ, նոր ինտերֆեյս և այլն: Եթե վախենում ես, թե Թվիթթերը պատրաստվում է նմանվել Ֆեյսբուքին, ապա սխալվում ես: Ինչևէ, տես ինքդ:

Չակ Պալանիկ, «Գրելու 13 խորհուրդներ»

Կարդալ այլ լեզուներով. [ անգլերեն]/[ ռուսերեն]

Քսան տարի առաջ Պորտլենդում ես ու ընկերուհիներիցս մեկը ամանորի նախօրեին քաղաք էինք իջել: Մեծ հանրախանութները՝ «Մեյեր էնդ Ֆրենկ», «Ֆրիդրիք էնդ Նելսոն», «Նորդսթորմս»... նրանց մեծ ցուցափեղկերից ամեն մեկն իրենից պարզ, գեղեցիկ տեսարան էր ներկայացնում. հագուստով մանեկեն կամ օծանելիքի շիշ՝ արհեստական ձյան մեջ: Բայց «Ջեյ Ջեյ Նյուբերիի» խանութի պատուհանները, գրողը տանի, նրանք ճխտված էին տիկնիկներով, փայլազարդերի, խոհանոցային պարագաների ու պտուտակահանների հավաքածուներով, բարձերով, փոշեկուլներով, պլասմասայե կախիչներով, մետաքսեծ աղիկներով, քաղցրավենիքով. կարծում եմ՝ հասկացաք, թե ինչ ի նկատի ունեմ: Հարյուրավոր տարբեր իրերից ամեն մեկի գինը նշված էր կարմիր ստվարաթղթի մաշված կտորի վրա: Եվ, երբ անցնում էինք մոտով, ընկերուհիս՝ Լորին, երկար հայացք նետեց ու ասաց. «Ցուցափեղկեր զարդարելու նրանց փիլիսոփայությունը երևի սա է՝ եթե ցուցափեղկը լավ չի նայվում, ավելի շատ բան դիր մեջը»:

Նա ամենաճիշտ պահին ամենաճիշտ մեկնաբանությունն արեց, ու ես երկու տասնամյակ անց էլ հիշում եմ այն, քանի որ ծիծաղեցրեց: Այն մյուս, գեղեցիկ ցուցափեղկերը... Համոզված եմ, նրանք բարձրաոճ ու ճաշակով էին, բայց իրականում չեմ էլ հիշում, թե ինչպիսի տեսք ունեին:

Այս էսսեի առումով, իմ նպատակն է՝ ավելի շատ բան դնել մեջը: Համատեղել գաղափարների ամանորյա պաշարի կարգի մի բան՝ հուսալով, որ ինչ-որ բան օգտակար կլինի: Կամ էլ, ասես ընթերցողների համար նվերների տուփեր փաթեթավորեմ, մեջը դնելով քաղցրավենիք, սկյուռ, գիրք, խաղալիքներ ու վզնոց, ես հույս ունեմ, որ բավականաչափ զանազանությունը կերաշխավորի, որ մի կողմից ինչ-որ բան այստեղ լրիվ էշություն դուրս կգա, բայց մեկ այլ բան կարող է լրիվ տեղին լինել:

HTML5-նվագարկիչ YouTube-ում

Դեռ որոշ ժամանակ առաջ ես ֆորումում գրել էի Safari-ի YouTube5 լրացման մասին, որը հնարավորություն էր տալիս YouTube-ի տեսահոլովակների ֆլեշ-նվագարկիչները փոխարինել HTML5-նվագարկչով (ինչն օգնում է խնայել համակարգչի ռեսուրսները), ինչպես նաև լրացման թերությունների մասին (մի էջի վրա ներդրված բոլոր տեսահոլովակները միաժամանակ սկսում էին բեռնվել, հենց էջը բացվում էր և այլն):

Այժմ YouTube-ը, իհարկե, beta-ի տեսքով, բայց հնարավորություն է տալիս էջերում ներդնել HTML5-նվագարկիչներ.

Այս պահի դրությամբ HTML5-նվագարկիչների աշխատանքն ապահովում են հետևյալ բրոուզերները.

• Apple Safari (4-րդ տարբերակ և ավելի բարձր)
• Mozilla Firefox 4 (դեռևս բետա)
• Google Chrome
• Opera (տարբերակ 10.6 և ավելի բարձր)
• Microsoft Internet Explorer (Platform Preview 4)
• Microsoft Internet Explorer 6/7/8 (եթե տեղադրված է Google Chrome Frame)

Եթե ձեր բրոուզերը HTML5-նվագարկիչների աշխատանք չի ապահովում, ապա տեսահոլովակը կցուցադրվի ֆլեշ-նվագարկչով:

Նոր ավելացում հայալեզու բլոգոսֆերային

Այսպիսով, Ռուֆուսը որոշեց սկսել կինոռևյուների իր սեփական բլոգը:) բարի գալուստ ու հաջող բլոգգինգ, Հայկ:

Enclave Advanced Power Armor)))

Եթե դուք չեք հասկանում, թե այս նկարն ինչ է նշանակում, ապա պետք էլ չի))) իսկ եթե հասկանում եք, ապա ցնծացեք)))

Բլոգի միջազգային օր. բոնուս

Եվս մի անգամ ի մի բերենք հիշատակված բլոգները.

• Attack of the Redneck Mommy
• Կանանց Ռեսուրսային Կենտրոն Հայաստանում
• Մատյան Անկապության (Նորայր Չիլինգարյանի բլոգը)
• Tom Foterby's Blog
• Writer Unboxed

Դե, իսկ հիմա՝ ինչպես խոստացել էի, բոնուս:

Նախ՝ Վարդան Գրիգորյանի բլոգի մասին: Հարմար դիզայն, լավ օպտիմիզացված Wordpress ու... ցավոք, բրենդինգի գրեթե իսպառ բացակայություն:(((

Ու էլեկտրոնային երաժշտություն:) հիշեցի երիտասարդությունս, երբ մեկ այլ Գրիգորյանի (Վարազդատի) հետ պսիխոդելիկ տրանսի դիսկ էինք գնում դիսկլենդից:)) լավ ժամանակներ էին:

Ընդհանուր առմամբ, բավականին պրոֆեսսիոնալ բլոգ է: Միայն թե՝ բրենդինգի վրա պետք է աշխատել:

Իսկ այժմ՝ բլոգներ, որոնք ես կարդում եմ (պատվո հիշատակում).

• Manana's Universe - շատ մռութ ու կրեատիվ աղջկա կատուներով լեցուն բլոգը
• Rebecca Stackhouse Photography - իմ ամենասիրելի լուսանկարչուհին
• The Asylum - ոմն Վահե Կուրազյանի հետաքրքիր ու մինիմալիստական բլոգ
• Knowledge of the Red - Լևոն Մկրտչյանի բլոգը զանազան մռութ բաների մասին
• Neil Gaiman's Journal - սիրելի գրողներիցս մեկի՝ Նիլ Գեյմանի բլոգը

Դե, բոլորին չես հիշատակի))) ում բաց թողեցի՝ ներեցեք, ընտրությունը պատահականության սկզբունքով եմ արել)))

Բլոգի միջազգային օր. բլոգ հինգերորդ

Writer Unboxed

Կրեատիվ բլոգ ժամանակակից գրողների մասին, ժամանակակից գրողների համար: Բավականին հետաքրքիր է ստացվել, կհետևեմ, որ հետ չմնամ գրական «պուլսից»)))

Բլոգի միջազգային օր. բլոգ չորրորդ

Tom Foterby's Blog

Ի՞նչը կարող է արցունքներ առաջացնել դիվելոփերի մոտ: Այո. միայն մեկ այլ դիվելոփերի բլոգը կարդալը:)))

Բլոգի միջազգային օր. բլոգ երրորդ

Ասք Նորայր Չիլինգարյանի բլոգի մասին:
ու տենց

Բլոգի միջազգային օր. բլոգ երկրորդ

Կանանց Ռեսուրսային Կենտրոն Հայաստանում

Ու այստեղ իմ ներսի ֆեմինիստը ցնծում է: Բլոգ՝ նվիրված կանանց խնդիրներին, իրավունքների պաշտպանությանը, կանանց նկատմամբ բռնության դեմ պայքարելուն: Օրինակ, դուք գիտեի՞ք, որ համերգի անվտանգության աշխատակիցը կարող է աղջկան անվայել առաջարկ անել տոմսի դիմաց: Կամ՝ որտեղ դիմել, եթե սեռական բռնության եք ենթարկվել:

Իսկապես պետքական ու կարևոր բլոգ... որի մասին ես չգիտեի: Իհարկե, մի մոռացեք՝ իմ կյանքում ամեն ինչից կարևոր են հոգևոր հավասարակշռությունն ու ծուլությունը:)))

Բլոգի միջազգային օր. բլոգ առաջին

Attack of the Redneck Mommy

Այո-այո: «Քյառթու մայրիկի հարձակումը»՝ այդպես է կանադացի տնային տնտեսուհի ու մայրիկ Թենիս Միլլերի բլոգի վերնագիրը: Բլոգի, որն իր ավելի քան չորս տարի տևած կյանքի ընթացքում շահել է 2008 թվականի «Bloggies» ու 2010 թվականի «Best Canadian Blog» մրցանակները: Իսկ ինչի՞ մասին է այն: Տնային տնտեսուհին իր յուրահատուկ հումորով պատմում է, թե ինչպես է ապրում ու մեծացնում իր երեխաներին: Ոչ մի առանձնահատուկ բան, թվում է: Բայց ես կլանված կարդում էի: Ու ձեզ էլ եմ խորհուրդ տալիս:

Բլոգի մեկ այլ խիստ առանձնահատուկ կողմը նրա բրենդինգն  է: Ինչ-որ տեղ՝ բրենդինգի հրաշքները: Լավ, ավելի լավ կլինի, որ նայեք ու համոզվեք ինքներդ:

Հաջողություն եմ ցանկանում «քյառթու մայրիկ» Թենիս Միլլերին, նրա նոր դպրոցական տարի սկսած երեխաներին ու զարմանալի բլոգին:

Իսկ այժմ՝ անցնենք առաջ:

Blog Day Armenia '2010

Գիտե՞ք՝ վաղն (օգոստոսի 31-ը) ինչ օր է. այո-այո, Բլոգի միջազգային օրը: Իսկ ի՞նչ ենք անում Բլոգի միջազգային օրը:

1. Գտնում ենք հինգ նոր հետաքրքիր բլոգներ
2. Տեղեկացնում եք նրանց հեղինակներին, որ պատրաստվում եք գրել իրենց բլոգի մասին
3. Ձեր բլոգում մեկնաբանություններ եք գրում այդ բլոգերի մասին, չեք մոռանում նշել հղումները
4. Հրատարակում եք ձեր մեկնաբանությունները 2010 թվականի օգոստոսի 31-ին՝ բլոգներում կիրառելով ArmBlogDay2010 պիտակը, միկրոբլոգինգի համակարգերում (Twitter, Armenix)` #ArmBlogDay հեշ-թեգը

Կարծես թե ոչ մի բարդ բան չկա, չէ՞:) Ես ինքս, բացի հինգ պեղած բլոգներից, կգրեմ ևս հինգ բլոգների մասին, որոնց հեղինակներն առաջինը կպատասխանեն BLOG DAY, Armenia Ֆեյսբուքի էջում իմ տեղադրած հայտարարությանը:

Էլի՞ ինչ-որ բան: Կարող ես Like անել BLOG DAY, Armenia Ֆեյսբուքի էջը, կամ կիսվել այս նորությամբ քո բլոգում/միկրոբլոգինգային համակարգում:

Flickr + Twitter (մաս երկրորդ)

Նախորդ գրառման մեջ մենք խոսեցինք Flickr2Twitter ինտեգրացիայի մասին: Այժմ՝ թե ինչպես է այն աշխատում: Ցավոք, երբ դուք նոր նկար բեռնեք ձեր Flickr, այն ինքնուրույն չի հայտնվի Twitter-ում:
Ցանկացած նկար Flickr-ից Twitter ուղարկելու համար կարող եք, ինչպես արդեն նշվել է, նկարի վերևում ընտրել «Share This» -> «Blog it» -> «Twitter», եթե նկարի մեկնաբանությունը հղման հետ միասին գերազանցի Twitter-ի 140 նիշը, ապա ավտոմատ կկիրառվի հղումների կարճեցման flic.kr ծառայությունը և այլն:

Flickr + Twitter (մաս առաջին)

Flickr-ը սոցիալական ֆոտո-ծառայություն է, նախատեսված ինչպես մասնագետ լուսանկարիչների, այնպես էլ պարզապես ընտանեկան ու այլ լուսանկարներ պահելու, share անելու համար: Այն հանդիսանում է Yahoo Photos ծառայության էվոլյուցիայի արդյունք: Գործում է ինչպես անվճար (ամսեկան 100Mb լուսանկարներ+2 տեսահոլովակ), այնպես էլ վճարովի (առանց սահմանափակումների) հիմունքներով: Ծառայությունից ես օգտվում եմ նրա ծագման պահին (երբ Yahoo Photos-ը դադարեցրեց իր գործունեությունը, ես ավտոմատ տեղափոխվեցի Flickr):

Flickr-իս խոզանոցը մաքրելուց ու կարգի բերելուց հետո մտքեր առաջացան՝ ինչպես այն կցել Twitter-իս (Ostrich-ի շնորհիվ այն դառել է իմ «գործողությունների հենակետ»): Մտքովս անցավ, որ նույնը կարող է ձեզ էլ պետք եկած լինի, որոշեցի գրել այստեղ:

Digg համակարգից օգտվողների համար

Digg համակարգից օգտվող ընթերցողները կարող են ինձ գտնել իմ էջում, որին կցված են թե՛ իմ անձնական բլոգը, թե՛ Twisted Perception ֆորումի բլոգը: Բացի դրանից, առանձին գրառման դիտման ռեժիմում ամեն գրառման վերնագրի մոտ կտեսնեք Digg-ում էջանշելու կոճակ:

Իհարկե, կոճակն ավելացնելու նախնական գաղափարին հաջորդեցին մի քանի տասնյակ «հավես չկա»-ներ ու «լավ էլի, հիմա էլի պիտի բլոգի CSS-ներն ու HTML-ները բզբզեմ»-ներ, բայց բլոգը տեխնիկապես էքսպերիմենտալ ու առաջադեմ պահելու միտքն ավելի ուժեղ դուրս եկավ: Ի՞նչ կարծիքի եք: Սպասում եմ ձեր մեկնաբանություններին:

P.S. նշեմ, որ Digg-ի կոճակի այսպիսի տեղակայման գաղափարն ու տեխնոլոգիան ամբողջությամբ սեփական քրտինքի արդյունք է. եթե հետաքրքիր է, կարող եմ տեղադրել որպես ուսուցողական նյութ:

Digg համակարգը թարմացվում է

Թեև ես ինձ չեմ համարում հասարակական էջանշման համակարգերի ակտիվ օգտագործող, չեմ կարող չնշել նրանց հարմարավետությունն ինտերնետում հետաքրքիր բաներ գտնելու ու կիսվելու հարցում: Այնպես որ, հենց ականջիս հասավ, որ Digg-ը թարմանում է, արագ բացեցի էջն ու... որոշ ժամանակ չարչարվում էի լոգին լինելու վրա: Հին տարբերակում կարելի էր լոգին լինել Facebook-ի միջոցով: Նորը թեև ակնարկում էր դրա մասին, ֆունկցիան օգտագործելու բոլոր փորձերն անհաջողությամբ պսակվեցին, այնպես որ ստիպված էի հիշել գաղտնաբառս:

Լոգին լինելուց հետո հայտնաբերեցի, որ կայքը թեթևացել է, գեղեցկացել, բազմաթիվ հատկանիշներ փոխառելով Twitter համակարգից. այժմ կարող եք նույնիսկ հետևել առանձին մարդկանց էջանշումներին: Փաստորեն, հասարակական էջանշումը տարրեր է փոխառում միկրոբլոգգինգից:

Էլի Ostrich-ի մասին

Այս տեսահոլովակը ցույց է տալիս, թե ինչպես նկարներ կցել ձեր թվիթներին (ավելացվել է ամենաթարմ՝ 0.3 տարբերակում, որի հպարտ բետա-թեսթերներից մեկն էի ես).

Խորհուրդներ Blogspot-ից օգտվողներին

Երևի նկատել եք այս բլոգի ամեն գրառման տակ փոքրիկ share-կոճակները, որոնք հնարավորություն են տալիս ձեզ դուր եկած գրառումով կիսվել Twitter, Facebook, Google Buzz համակարգերում, ինչպես նաև էլեկտրոնային փոստով ու հենց Blogspot-ում: Բոլոր նոր բլոգներում այս ֆունկցիան նախապես միացված է, բայց եթե դուք ձեր բլոգն ավելի շուտ եք սկսել, ու չգիտեք, թե ինչպես այն միացնել, ապա այս գրառումը ձեզ կօգնի դա անել:

Blizzard-ը սկսում է աշխատանքը StarCraft II: Heart of the Swarm-ի վրա

Տաք-տաք նորություններ.

StarCraft II: Wings of Liberty-ն արդեն խանութներում, MTV Multiplayer Blog-ի Ռաս Ֆրուշտիքը որոշեց, որ կատարյալ ժամանակն է «տժժացնել» Blizzard-ին եռագրության երկրորդ խաղի՝ StarCraft II: Heart of the Swarm-ի կարգավիճակի կապակցությամբ:

Blizzard-ի Ռոբ Պարդոյի հետ զրուցելիս, Ֆրուշտիքը տվեց կարևոր մի հարց (որի պատասխանն անձամբ իմ համար ի սկզբանե պարզ էր). Heart of the Swarm-ը սի՞քուել է լինելու, թե՞ լրացում: Փաստորեն, թե՛ մեկը, թե՛ մյուսը:

I met an Ostrich on my Safari...

Ostrich-ը ծրագիր է, որը փոխեց իմ ամբողջ Twitter-ային էքփիրիենսը: Մինչ այդ Twitter մտնելու համար երբեք ժամանակ չէր լինում, այն միջանկյալ մոդուլ էր հանդիսանում տարբեր ծառայությունների միջև (օրինակ, իմ Last.fm-ը կցված է Twitter-ին, Twitter-ը՝ Facebook-ին, ինչի շնորհիվ երբ ես Last.fm-ում երգ եմ «սիրում», այն Facebook-ում էլ է հայտնվում):

Իսկ հիմա, Ostrich-ի շնորհիվ, Twitter-ն անընդհատ ձեռքիս տակ է: Իսկ լրացուցիչ ֆունկցիաները, որ խոստացել են (ընկերների անունների ավտոլրացում, նկարների կցում, հավանաբար՝ TwitPic ծառայության միջոցով) ավելի գայթակղիչ են դարձնում հեռանկարները:

Ցենզուրա «չինական ձևով» Կոմսոմոլսկ-Ամուրի-վրա քաղաքում

Կոմսոմոլսկ-Ամուրի-վրայի կենտրոնական շրջանային դատարանը որոշել է չինական կոլլեգաների փորձը կիրառել ու պարտադրել տեղական РА РТС «Роснет» պրովայդերին սահմանափակել բաժանորդների մուտքը հինգ կայքերի նկատմամբ. youtube.com, web.archive.org, lib.rus.ec, thelib.ru и zhurnal.ru:

Հայցով դատարան է դիմել քաղաքի դատախազ Վլադիմիր Պախոմովը: Նրա հայտարարության մեջ ասվում է, որ տեղական մարմինների ստուգման արդյունքում այդ կայքերում հայտնաբերվել են էքստրեմիստական նյութեր, ավելի կոնկրետ. http://lib.rus.ec, zhurnal.ru, thelib.ru ու web.archive.org կայքերում՝ Ադոլֆ Հիտլերի «Mein Kampf» («Իմ Պայքարը») գիրքը: Նշենք, որ դրանցից վերջինը նունիսկ գրադարան չի, այլ պարզապես «ժամանակի մեքենա», որը պահպանում է ինդեքսավորված կայքերի պարունակությունը, ինչպիսին այն կար տարբեր տարիներին:

Դատախազի մոտ դժգոհություն է առաջացրել նաև տեսահոլովակների խոշորագույն շտեմարան youtube.com-ը: Այստեղ գտել են «Russia for Russians» տեսահոլովակը, որը, ինչպես և գիրքը, պաշտոնապես ճանաչվել է էքստրեմիստական նյութ: Տեքստերի ու տեսահոլովակների հասանելիությունը սահմանափակելու նպատակով պահանջ է ներկայացվել բաժանորդների համար արգելափակել վերոհիշյալ կայքերի IP-հասցեները:

Դատարանը բավարարել է հայցը:

Թեմա ու քննարկում ֆորումում՝ այստեղ:

StarCraft II: Wings of Liberty

Այո-այո, տասներկու տարի անհամբեր սպասումից հետո այս պատմական օրը՝ 2010 թ. հուլիսի 27-ին թողարկվեց StarCraft ստրատեգիկ խաղի երկրորդ մասը հանդիսացող եռագրության խաղերից առաջինը. StarCraft II Wings of Liberty: Եթե դուք կարծում եք, թե ձեզ փորձում են մի խաղ կոխացնել երեք խաղի գնով, ապա չարաչար սխալվում եք. բացի նրանից, որ Wings of Liberty-ն մուլտիփլեեր ռեժիմում ապահովում է խաղ երեք ռասսաներով էլ, այն արդեն 7 գիգաբայթ է կշռում (բա որ կինեմատիկ-տեսահոլովակների քանակը տեսնեք):

Այլ կերպ ասած՝ մի այլ կարգի ծիծիկ խաղ են պատրաստել:

Քննարկում ու նորություններ՝ ֆորումում:

Լեկցիա ֆորումի շրջանակներում:

Այսօր Twisted Perception ֆորումի անդամների համար լեկցիայի ընթերցանություն կազմակերպվեց: Կարդում էինք ես ու Լևոնը (Azi Dahaka): Հետո որոշվեց, որ լեկցիաներ կարդալը լավ միտք է ու ամեն մարդ էլ կարող է նյութ պատրաստել ու ընթերցանություն կազմակերպել:
Այստեղ կտեղադրվեն Twisted Perception ֆորումի սահմաններում թեմայի վերնագրում նշված ոլորտների՝ օկուլտային Արվեստ, փիլիսոփայության ու մոգության շուրջ լեկցիաները, եթե տեքստը հասանելի է: Նշեմ, որ լեկցիաները չեն սահմանափակվում այս թեմաներով, ու եթե ինչ-որ մեկը ինչ-որ թեմայով կցանկանա լեկցիա կարդալ, թող կապվի իմ հետ, ես կօգնեմ դա կազմակերպել:

Metropolis

Վերնագիր. メトロポリス/Metropolis/Մետրոպոլիս
Ռեժիսոր. Ռինտարո
Սցենարիստ. Կացուշիրո Օտոմո
Կոմպոզիտոր. Տոսիյուկի Հոնդա
Նկարիչ. Հիտոսի Յամագուչի

«Metropolis»-ը անտիուտոպիա-անիմե է՝ նկարահանված 1927 թվականի նույնանուն գերմանական էքսպրեսիոնիստական ֆիլմի ու 1949 թվականի Օսամու Տոձուկիի մանգայի հիման վրա: Ֆիլմը թողարկվել է 2001 թվականին:

Ֆիլմի երաժշտությունը Նոր Օռլեանյան ջազի ոճով է գրված, ամերիկյան Մեծ դեպրեսսիայի հետ զուգահեռները բավականին շատ են: Սցենարը գրել է «Akira» անիմեի ստեղծող Կացուշիրո Օտոմոն, իսկ ռեժիսորը Շիգեյուկի «Ռինտարո» Հայաշին է՝ ստաժով անիմե-ռեժիսոր, որի նկարահանած աշխատանքներից է «Final Fantasy: Legend of the Crystals»-ը:

«Metropolis»-ն ինձ դուր է գալիս նկարների յուրօրինակությամբ, ռետրո-ոճով, իսկապես գեղեցիկ սցենարով ու իսկապես ցնցող, թեկուզ մի փոքր կանխատեսելի ավարտով: Շատ չփիլիսոփայեմ, լավ կլիներ ֆիլմը դիտած մյուս մարդկանց կարծիքն էլ լսել: Ցանկացած դեպքում՝ խորհուրդ եմ տալիս բոլորին: Միայն թե զգուշացնեմ՝ բավականին դաժան ֆիլմ է:

Տեղեկություն, քննարկում, սփոյլերներ ու թրեյլերներ՝ ֆորումում:

Մահն ացտեկների հավատալիքներում

(Աջ կողմում՝ Միկտլանտեկուտլի աստծո կավե արձան, գտնվել է Տենոչտիտլանի Մեծ տաճարի «Արծիվների Տան» պեղումների ժամանակ)

Ացտեկների հավատալիքներում նույնպես գոյություն ունի մեռելների աշխարհ՝ տեղ, որտեղ բնակվում են մահացած մարդիկ: Այն կոչվում է Միկտլան՝ ստորերկրյա աշխարհի իններորդ, ստորին մակարդակը, որտեղ իշխում են Միկտլանտեկուտլի ([miktɬaːnˈtekʷtɬi]) ու Միկտեյկասսիվաալ աստվածությունները՝ մահվան տիրակալն ու տիրուհին:

«Միկտլանտեկուտլի» թարգմանաբար նշանակում է հենց «Միկտլանի տիրակալ»: Նրան պատկերում էին մարդկային ոսկորներով ծածկված մարմնով:

Google Me. փնտրողական համակարգերի մեգահսկան պատերա՞զմ է հայտարարում Facebook-ին

(Braveheart-ի այս կադրին նմանեցնելու գաղափարը մի հոդվածից եմ ցրել, բայց հղումը կորցրել եմ)

Երբ Digg էջանշման համակարգի հիմնադիր Քեվին Ռոուզի թվիթթերում հայտնվեց ու հանելուկային կերպով անհետացավ մոտակա ժամանակներս Google-ի կողմից Facebook-ի մրցակից թողարկելու մասին թվիթը (Ռոուզը հետագայում նշել է, որ իրեն խնդրել են հանել թվիթը), այն բազմաթիվ բամբասանքների տեղիք տվեց: Եվ ահա՝ Facebook սոցիալական ցանցի տեխնիկական մասի նախկին ղեկավար Ադամ Դ'Անջելոն հաստատում է Quora կայքի իր բլոգային գրառման մեջ. Google-ը իսկապես աշխատում է Facebook-ի "Google Me" կոչվող մրցակցի ստեղծման ուղղությամբ: Նա նշում է «խիստ հավաստի աղբյուրից ստացած» իր ինֆորմացիան նոր ցանցի մասին.

Ֆորումի բլոգի նոր դիզայնի մասին

Ֆորումի բլոգը վերջնականապես վերադիզայնված է  : Շնորհակալություն ֆորումի անդամներին ընթացքում օգտակար խորհուրդներ և ցուցումներ տալու համար: Մասնավորապես.
Freya
SSS
Azi Dahaka
AnnRobinWells
Ապրեք, երեխեք:
Բլոգի աշխատանքին վերաբերվող հարցեր, նկատողություններ ու առաջարկներ կարող եք տալ այստեղ:

Flock-ը փոխում է պլատֆորմը

«Բրոուզերային նորություններ» թեմայից
Տարբեր մրցանակներ շահած Flock բրոուզերը, որը մինչ այժմ թողարկվում էր Mozilla Firefox-ի պլատֆորմի վրա, տեղափոխվում է Google-ի ներմուծած Chromium բաց պլատֆորմի: Այն նաև ավելի պարզ է դառնում՝ բազմաթիվ ծառայություններից, որոնք ապահովում էր Flock-ի նախորդ տարբերակը, մնում են Facebook-ի ու Twitter-ի ընդլայնված ապահովումը: Իսկ ես այնքան էի սիրում նրա բլոգ-խմբագրիչը:
Արդյո՞ք սա չի նշանակում ծանր օրեր Mozilla-ի համար: Բավականին տհաճ կլիներ կորցնել ինտերնետի ամենահեղինակավոր ու ամենաընդլայնելի բրոուզերներից մեկը:

• Flock բրոուզերի պաշտոնական կայքը http://flock.com/
• Նոր բետա-տարբերակի կայքը http://beta.flock.com/

Pioner One

Երկնային օբյեկտը ռադիացիա է տարածում Հյուսիսային Ամերիկայի վրա: Վախենալով տեռորիզմից, ԱՄՆ Հայրենիքի Անվտանգության գործակալներ են ուղարկվել, որ հետաքննեն ու սահմանափակեն վնասը: Այն, ինչ նրանք կհայտնաբերեն, ազդեցություն կունենա ողջ աշխարհի վրա:

Pioneer One-ը գիտաֆանտաստիկ սերիալ է, որը տարածվում է անվճար՝ տորրենտների միջոցով: Ֆինանսավորումն իրականացվում է դիտողների նվիրատվությունների միջոցով:

Նախագծին առավել մանրամասն կարող եք ծանոթանալ պաշտոնական կայքում կամ այստեղ: Առաջին էպիզոդի տորրենտը՝ այստեղ (HD720P/XviD):

Եթե նախագիծը հաջողվի, սա կարող է նոր շրջան նշանակել անկախ կինոյի համար. երբ այն կդադարի լինել փոքրաբյուջե:

Սերիալը կարող եք քննարկել այստեղ (իհարկե, եթե ֆորումի գրանցված անդամներ եք):

Նշանակումներ

Velvet Bride` ադմինիստրացիոն խորհրդի անդամ, համաադմինիստրատոր
kyahi Թատրոն բաժնի մոդերատոր
Շնորհավորում եմ վերոհիշյալ անդամներին նշանակման առթիվ ու սպասում եմ պատասխանատու, պարտաճանաչ ու օբյեկտիվ ստրկություն, թու, օդմինություն ու մոդերություն  :
Հարգանքներով՝
Օդմին:

K-Pax

Ռեժիսոր. Յեյն Սոֆթլի
Սցենար. Ջին Բրյուեր (վեպը), Չարլզ Լյուիթ
Գլխավոր դերերում. Քևին Սփեյսի, Ջեֆ Բրիջիս
Կոմպոզիտոր. Էդվարդ Շիմուր
Կինոստուդիա. IMF Internationale Medien und Film GmbH & Co. 2. Produktions KG
Թողարկող. Universal Pictures
Թողարկման ամսաթիվ. հոկտեմբերի 26, 2001
Տևողություն. 120 րոպե
Լեզու. անգլերեն

Դե, ինձ թվում է՝ խորհուրդ տված ֆիլմերի ցուցակից արդեն պարզ է, որ ես սիրում եմ ֆիլմեր, որոնք կապված են ինչ-որ հանելուկի լուծման հետ («The Secret Window», «Color of the Night» և այլն): Երբ հայտնվում է մի մարդ, ու հայտարարում է, որ ինքն այլմոլորակային է, բնական ռեակցիա է կասկածել նրա հոգևոր առողջությանը, որքան էլ համոզիչ չլինեն նրա փաստարկները: Ու հենց այն պահին, երբ որոշում ես, որ լուծել ես հանելուկը, պարզվում է՝ ոչինչ էլ չգիտես:
Խառը գրեցի, բայց ֆիլմը նայողները կհասկանան, թե ինչ ի նկատի ունեմ:
Չնայած՝ այս ֆիլմում դա ընդհանրապես կարևոր չի: Իսկ ի՞նչն է կարևոր: Այն, որ մենք՝ մարդիկս, դեռ չենք հասկացել, իսկ կա-պեքսցիները բավականաչափ երկար են ապրել, որ նկատեն. տիեզերքը կընդարձակվի, հետո կսեղմվի: Հետո նորից կընդարձակվի: Ու այդպես հավերժ: Ու ամեն անգամ մենք կկրկնենք նույն սխալները, որ անում ենք: Ուրեմն այս անգամը մեր միակ հնարավորությունն է:
Թեման ֆորումում՝ այստեղ:

Երեխային օգնություն է անհրաժեշտ

Սա ես ստացա Impression-ից, կխնդրեի ձեր ուշադրությունը: Եթե նույնիսկ չեք կարող մասնակցել դրամահավաքին, գոնե օգնեք տարածել ինֆորմացիան:

Quote:

Գայանե Բաբայանը 5 տարեկան է, ապրում է Երևանում: Նրան շտապ պետք է վիրահատել: Գայանեն տառապում է ապլաստիկ անեմիայով: Բժիշկներն ասում են, որ նրա կյանքը փրկելու շանսերը շատ մեծ են, քանի որ երեխայի բարեկամներից մեկը հանդիսանում է դոնոր: Սակայն, ընտանիքը չունի միջոցներ, ապրում են ծայրահեղ աղքատության մեջ: Անհրաժեշտ է հավաքել 50 000 ԱՄՆ դոլար: Վիրահատությունը պետք է կատարվի Իրանում, քանի որ Հայաստանում նման վիրահատություններ չեն իրականացվում:
Ժող, ժամանակ չկա, մի ամսվա մեջ պետք ա փողը ճարել, 5 տարեկան էրեխու մասին ա խոսքը:

Մենք օֆիսով էլ ենք հավաքում, հայտարարություններ էլ ենք տվել, արտասահմանում փորձում ենք իրականացնել fundraising կոչվածը:

Հաշվի համարը` Յունիբանկ, Կոմիտասի մասնաճյուղ
ՀՀԴ հաշվեհամար` 24104004316800

Կամ կարող եք կապվել Վորլդ Վիժն Հայաստան ազգային գրասենյակի հետ`
Ռոմանոս Մելիքյան 1, Երևան

Հեռ. (+374 10) 749118, 749119
Ֆաքս. (+374 10) 749148
Email: wvarmenia@wvi.org
http://wvarmenia.am

խնդրում եմ, տարածեք ձեր բլոգերում, սոց. ցանցերում, մի խոսքով, որտեղ հնարավոր ա

Camel

Camel-ն անգլիական ծագմամբ պրոգրեսսիվ ռոք խումբ է, որը Soft Machine, Caravan, Gong, Hatfield and the North ու National Health խմբերի հետ մեկտեղ կարևոր դեր է խաղացել Քանթենբերիի բեմի կազմավորման ու զարգացման մեջ: Ամբողջական թեման կարող եք կարդալ այստեղ:

Last.fm Recommended iTunes Podecast

Եվս մեկ անգամ Last.fm-ն ինձ զարմացրեց  այս անգամ՝ հաճելիորեն: Եթե հիշում եք, ձեր հիմնական էջում կա Free Downloads հատված, որտեղ խորհուրդ տվող երգեր են, որոնք կարելի է անվճար քաշել կայքից: Դե, ես iTunes եմ օգտագործում, որը կցված է Last.fm-ին: Այսօր ես հայտնաբերեցի Subscribe via iTunes հղում, որը հնարավորություն է տալիս iTunes-ին փոդքեսթի (հատուկ RSS-ֆիդի) տեսքով ավտոմատ քաշել այդ երգերը:
Խորհուրդ եմ տալիս փորձել. շատ հետաքրքիր ֆունկցիա է:
Ֆորումային հղումն՝ այստեղ:

The Mighty

Ինչպես ասում են՝ ինտերնետում ամեն ինչ կարելի է գտնել: Այս մեկի համար առանձնապես շնորհակալ եմ: Ախր շատ լավ ֆիլմ է: Շատ բարի, գեղեցիկ: Ու շատ տխուր: Անձամբ ինձ միշտ լացացնում է, ինչքան էլ նայեմ, նամանավանդ վերջին մասը, երբ Մաքսը պատմում է, թե ինչպես է վերջացրել իր գիրքը.

Quote:

(Max) 'And then... I started connecting all these things I was thinking about. And I had a crazy thought. Since Freak showed me I could read a book, maybe I could write one, too. Then I thought to myself, "Who are you kidding, Max Kane? You got no brain." So I wrote that down. And then kept on going... until it was spring again and I reached my last page. Now, only this dumb writer could get writer's block on his last page. You see, I just didn't know how to end it.
"Yet some men say in many parts of England that King Arthur is not dead, that he shall come again, that there is written this verse upon his tomb, which lies at the bottom of the lake, "Here Lies King Arthur, Once And Future King."
Once AND future king.
Now, that could either mean that he will come again... or, I had a better idea that when someone so great once was then someone so great will always be. And by the time we get here, which I guess should be the end, you're gonna know the story of Freak the Mighty, who slayed dragons, saved maidens and walked high above the world. '

Խորհուրդ եմ տալիս բոլորին, ովքեր սիրում են բարի, մռութ ու պոետիկ ֆիլմեր: Ֆիլմի մասին թեման կարող եք գտնել այստեղ:

The Fountain

«Ու վտարեց Տերն Ադամին ու Եվային Եդեմի այգուց ու հրե սուր կանգնեցրեց, որ պաշտպանի Կենաց Ծառը»:
Ծննդոց 3:24

Ռեժիսոր Դարրեն Արոնոֆսկի
Սցենար Դարրեն Արոնոֆսկի, Արի Հանդել
Պրոդյուսերներ Էրիկ Վաթսոն, Արնոն Միլչան, Յաին Սմիթ
Երաժշտություն Կլինտ Մանսել
Թոմի դերում՝ Հյու Ջեքման (Իքս-Մարդիկ, «Թրաձուկ» Գաղտնաբառը, Ավստրալիա)
Իզզիի դերում՝ Ռեյչլ Վեյսց (Մումիա)

Այս ֆիլմ-հանելուկն, իմ կարծիքով, կատարյալ է ամեն տեսանկյունից. դերասանների ընտրությունը, դերասանական խաղը, Կլինտ Մանսելի անզուգական երաժշտությունը, որն ինձ հիացրել էր դեռ Արոնոֆսկու նախորդ՝ «Ռեքվիեմ Երազի Համար» ֆիլմում, օպերատորական աշխատանքը, մոնտաժը՝ ամեն ինչ արված է վերին աստիճանի լավ: Մեծագույն շնորհակալություն Jude-ին՝ այն իմ համար ձայնագրելու համար:
Իրականում "The Fountain"-ը կարող էր դառնալ Արոնոֆսկու առաջին աշխատանքը, երբ ֆիլմի նկարահանման իրավունքը 2002 թ. գնել էր Warner Bros ընկերությունը: Թոմի դերը պետք է իրականացներ Բրեդ Փիթը, իսկ Իզզիինը՝ Կեյտ Բլանշետը: Ճիշտն ասած, ոչ մի կերպ չեմ կարող պատկերացնել Փիթին, որի միակ ինձ հայտնի արժեքավոր դերերը «Մարտական Ակումբ», «Սնեչ» ու «Աշնան Լեգենդները» ֆիլմերն են, Թոմի դերում: Դրա համար էլ ինչ-որ տեղ ուրախ եմ, որ Փիթի հետ տարաձայնություններ առաջացան ու ֆիլմի նկարահանումը հետաձգվեց անորոշ ժամանակով:
2006 թվականին Դարրեն Արոնոֆսկին նկարահանեց ու թողարկեց ֆիլմը կես բյուջեով: Համակարգչային էֆֆեկտների փոխարեն նա օգտագործեց ավելի էժան մակրոֆոտոգրաֆիա: Գլխավոր դերերը խաղացին Հյու Ջեքմանն ու Ռեյչլ Վեյսցը: Ֆիլմի գործողությունները կատարվում են երեք զուգահեռ իրականություններում. Իզզիի գրքի մեջ Իսպանիայի Թագուհին Կոնկիստադորին ուղարկում է Կենտրոնական Ամերիկա՝ այնտեղ Կենաց Ծառը գտնելու ու Իսպանիան այն զավթող Ինկվիզիտորից փրկելու համար: Երկրորդ իրականությունը Թոմի գլխում է. մտասևեռված ու առանձնացված ամբողջ Տիեզերքից՝ նա փորձում է մահացող Ծառը հասցնել Շիբալբա, որտեղ այն նորից կծաղկի: Երրորդ իրականությունը մեր ժամանակներում կամ մոտիկ ապագայում է. Թոմ Կլեոն՝ հանճարեղ բժիշկ, փորձում է քաղցկեղի դեղ գտնել, որպեսզի փրկի իր կնոջը՝ Իզզիին:


Ֆիլմի թեման ֆորումում թարմացվել է, ավելացվել են վերլուծություններ ու մեկնաբանություններ: Թեման կարող եք կարդալ այստեղ:

Պրոֆիլակտիկա, մաս 2

Ֆորումը թարմացվել է մինչև 3.07 տարբերակ ու գրեթե պատրաստ է օգտագործման: Դեռ պետք է լուծել լոգոյի ու նոր թեմա-նոր գրառում սեղմակների արտապատկերման հարցը: Ներողություն եմ խնդրում (ինձանից ոչ մի կերպ չկախված) ուշացման համար:
Առավել մանրամասն թարմացումներին կարող եք հետևել մեր թվիթթերում:

Պրոֆիլակտիկա

Մարտի 19-ին (այսինքն՝ վաղը) ֆորումը հոսթինգային ընկերության կողմից իրականացվող պրոֆիլակտիկ աշխատանքների պատճառով անհասանելի կլինի: Թե ինչքան ժամանակով՝ հոսթինգային ընկերությունը չի հայտնում: Մենք էլ ձեզ, որ սուտ չասենք: Թարմացումներին կարող եք հետևել նրանց թվիթթերով (եթե գտնեք, ինձ էլ ասեք):
Հայցում ենք ձեր ներողամտությունը՝
Օդմին:

Թարմացում - 15.03.2010

Ներողություն ենք խնդրում երկար ժամանակ լռության համար, պատճառները շատ էին (զբաղվածություն+ինտերնետի բացակայություն+բլոգգերի շարժակի կոնֆլիկտ Օպերա բրոուզերի հետ):
Ֆորումն այժմ նոր, աչքի համար ավելի հաճելի դիզայն ունի, որը քննարկվում է այստեղ: Գրանցվել, ինչպես միշտ, կարող եք՝ սովորական գրանցման ձևը լրացնելով ու հայտ ներկայացնելով այստեղ: Ներողություն ենք խնդրում գործընթացն այդքան բարդացնելու համար, պարզապես ամեն օր մի քանի տասնյակ սպամբոտեր են գրանցվում, ու բոլորին ստուգելու հնարավորություն չկա:
Իսկ այժմ՝ հետաքրքիր բաների մասին: Խոհանոց բաժնում գործում է կոկտեյլների մասին թեմա: Տուրիզմի բաժնում վերահրատարակվել է Ռայադերի «Господин Горных Дорог» ֆոտոռեպորտաժը: Կինոյի բաժնի «Խորհուրդ եմ տալիս դիտել...» թեմայում կինոսիրող ֆորումցիները խորհուրդներ են փոխանակում, թե ինչ ֆիլմեր դիտել, որոնք կարող են հետաքրքրել ոչ միայն համաֆորումակիցներին: Կարճամետրաժ ֆիլմերի գալիք «Մեկ կադր» կինոփառատոնի մասին ինֆորմացիա՝ այստեղ:
Դիզայնի բաժնում թեմա կա գեղեցիկ դիզայնով սայտերի մասին, ինչպես նաև Ռայադերի հոդվածն Էլ Գրեկոյի մասին:
Ու էլի շատ-շատ բաներ)
Շնորհակալություն հետևելու համար,
Օդմինիստրացիա: